კობახიძე: დეგნანი მალე შეიცვლება, მთავარია, მომავალშიც არ დაფინანსდეს პოლარიზაცია

ამ თემაში არ მინდა შესვლა, მათ შორის იმის გამო, რომ ელჩი მალე შეიცვლება. აღარ მინდა საუბარი წარსულზე. ჩემთვის მთავარია, რომ მომავალში აღარ განმეორდეს პოლარიზაციის მხარდაჭერა, პოლარიზაციის დაფინანსება. ჩვენ ამაზე უნდა ვიყოთ კონცენტრირებული და არა იმ ელჩის შეფასებაზე, რომელიც უკვე ტოვებს თანამდებობას. წინ უნდა გავიხედოთ და იმედი დავიტოვოთ, რომ მომავალში არ მოხდება პოლარიზაციის დაფინანსება, წახალისება, შეურაცხმყოფელი განცხადებების წახალისება, ბილწსიტყვაობის წახალისება. დიდი იმედი მაქვს, რომ მომავალში ელჩი სხვანაირად იმოქმედებს. ახალი ელჩის კუთხით ეს იმედი უნდა გვქონდეს.