კობახიძე: ჩვენთვის განმსაზღვრელი არაა ევროპარლამენტის რეზოლუციები, რომელსაც ჩალის ფასი აქვს

ჩვენ ევროკავშირის აღმასრულებელი სტრუქტურები თვითონ გვეუბნებიან, რომ ევროპარლამენტის რეზოლუციები მაინცდამაინც ყურადღება მისაქცევი არ არის. იმიტომ, რომ ევროპარლამენტში ხშირად ხდება ასეთი ტიპის რეზოლუციების მიღება, რომლებიც ობიექტურ გარემოებებს რეალურად არ ეფუძნება. აქედან გამომდინარე, რა თქმა უნდა, ჩვენთვის განმსაზღვრელი არ არის ევროპარლამენტის რეზოლუციები, რომლებსაც ჩვენთვის ჩალის ფასი აქვს, ერთი მარტივი მიზეზის გამო: ისინი კონკრეტულ გარემოებებს არ ეფუძნება და სრულიად უსამართლოა. როდესაც ევროპარლამენტის რეზოლუცია ერთი მხრივ ითხოვს ორი კრიმინალის, მიხეილ სააკაშვილისა და ნიკა გვარამიას გათავისუფლებას და მეორე მხრივ, ითხოვს ბიძინა ივანიშვილის დასჯას, ბუნებრივია, ასეთ რეზოლუციებს ჩვენთვის ვერავითარი ფასი ვერ ექნება. ჩვენთვის გამსაზღვრელია 12 პუნქტი და ის კანონები, რომელიც მისაღები იყო. ჩვენ რეფორმები ყველა მიმართულებით განვახორციელეთ და ივნისის ბოლომდე მუშაობა სრულდება. აქედან გამომდინარე, არა მარტო ნება არის, არამედ, ეს ნება სათანადო ქმედებებშია გამოხატული.