რუსეთის თავდაცვის სამინისტროს ინფორმაციით, 4 ივნისს უკრაინის შეიარაღებული ძალებმა ფრონტზე ხუთი სხვადასხვა მიმართულებით ფართომასშტაბიანი შეტევა წამოიწყო.
ამავე ინფორმაციით, შეტევაში სულ ექვსი მექანიზებული და ორი სატანკო ბატალიონი მონაწილეობდა.
"მტერმა ვერ მიაღწია თავის მიზნებს". - აღნიშნა რუსეთის თავდაცვის სამინისტროს სპიკერმა, იგორ კონაშენკოვმა.
მისივე ცნობით, რუსეთის შეიარაღებული ძალების გენერალური შტაბის უფროსი ვალერი გერასიმოვი იმ მომენტში იმყოფებოდა ამ მიმართულებით ერთ-ერთ მოწინავე სამეთაურო პუნქტზე.
ამასთანავე, რუსული მხარის განმარტებით, უკრაინის შეიარაღებული ძალების კონტრშეტევა არაერთხელ გამოცხადდა როგორც კიევში, ასევე დასავლეთ მიმართულებით.
გარდა ამისა, რუსეთის პრეზიდენტის პრესმდივანმა დიმიტრი პესკოვმა ხაზგასმით აღნიშნა, რომ მოსკოვი ყურადღებით აკვირდება ნებისმიერ განცხადებას მომავალი კონტრშეტევის შესახებ და ითვალისწინებს მათ სპეცოპერაციის დაგეგმვისას.
