ანტიპუტინისტი მწერალი, რუსეთის მიერ უცხოელი აგენტების სიაში შეყვანილი ვიქტორ შენდეროვიჩი საქართველოში არ შემოუშვეს - ინფორმაციას დოიჩე ველე ბლოგერ ნიკოლაი ლევშიცზე დაყრდნობით ავრცელებს.
ბლოგერის ცნობით, შენდეროვიჩი სასაზღვრო კონტოლის ვერგავლის შემდეგ უკან, ისრაელში გააბრუნეს.
2 ივნისს თბილისში დაგეგმილი იყო ვიქტორ შენდეროვიჩის გამოსვლა - ერთი შენდეროვიჩის თეატრი. მწერალი უნდა ჩასულიყო ბათუმშიც.
ტაბულა ვიქტორ შენდეროვიჩის არშემოშვების მიზეზის გარკვევას ცდილობს - უწყებების პასუხს მიღებისთანავე შემოგთავაზებთ.
