7 მაისს, გაეროს ბირთვული ენერგეტიკის დამკვირვებლის ხელმძღვანელმა თქვა, რომ რუსეთის მიერ კონტროლირებადი ზაპოროჟიეს ატომური ელექტროსადგურის ირგვლივ სიტუაცია "პოტენციურად საშიშია". ინფორმაცია მას შემდეგ გავრცელდა, რაც რუსეთმა ქალაქ ენერგოდარიდან მოქალაქეების ევაკუაცია დაიწყო.
ატომური ენერგიის საერთაშორისო სააგენტოს (IAEA) გენერალურმა დირექტორმა, რაფაელ გროსიმ ატომური სადგურის უსაფრთხო მუშაობის უზრუნველსაყოფად ზომების მიღება მოითხოვა.
"ზოგადი სიტუაცია ზაპაროჟიეს ატომური ელექტროსადგურის მიმდებარე ტერიტორიაზე სულ უფრო არაპროგნოზირებადი და პოტენციურად საშიში ხდება. მე უკიდურესად შეშფოთებული ვარ ქარხნის წინაშე არსებული ბირთვული უსაფრთხოების რეალური რისკებით. ჩვენ უნდა ვიმოქმედოთ ახლა, რათა თავიდან ავიცილოთ სერიოზული ბირთვული ავარიის საფრთხე და მასთან დაკავშირებული შედეგები მოსახლეობასა და გარემოზე". - თქვა გროსიმ.
