კრამერი ოცნებას: ფრთხილად უნდა იყვნენ, თუ ფიქრობენ, რომ სანქციები მათ არ შეეხებათ

მე მხარს ვუჭერ საქართველოსთვის კანდიდატის სტატუსის მინიჭებას ქართველი ხალხის ღვაწლის აღიარებისთვის. ქართველ ხალხს ევროკავშირთან და NATO-სთან უფრო მჭიდრო კავშირები სურს. ძალიან მნიშვნელოვანია, განვაცალკევოთ ქართველი ხალხი, მათ რა სურთ და რა სურს საქართველოს ხელისუფლებასა და მის ხელმძღვანელობას და რას აკეთებენ. მათ საქართველო არასწორი გზით მიჰყავთ. არ მინდა, დავინახო, რომ ან ევროკავშირმა, ან აშშ-მა ქართველი ხალხი დასაჯოს. ეს სანქციები არ არის საქართველოსა და ქართველი ხალხის წინააღმდეგ. ხაზს ვუსვამ, რომ სანქციები კონკრეტული პიროვნებების წინააღმდეგაა გამოყენებული, რომლებსაც ჩვენ პასუხი უნდა ვაგებინოთ იმ პრობლემებზე, რაც თქვენი ქვეყნის წინაშე სერიოზულად დგას. მე ვთვლი, რომ საქართველოს ხელისუფლებასა და ქართულ ოცნებაში სხვა ოფიციალური პირები ფრთხილად უნდა იყვნენ, თუ ფიქრობენ, რომ მათ სანქციები არ შეეხებათ. ეს არის პირველი ნაბიჯი, რომელიც აშშ-მა ამ მიმართულებით გადადგა. შესაძლოა, ამას დამატებითი სანქციები მოჰყვეს.