ირაკლი ღარიბაშვილი

ჯაფარიძე ღარიბაშვილზე: ჩვეულებრივი, სტანდარტული რუსული ბოდვაა, რომელიც აქ გადმოამღერა

სატანისტებს რაც შეეხება, შეიძლება, დღეს ეს სასაცილოდ ჟღერდა, მაგრამ ეს ახალი ამბავი არ არის, ეს ჩვეულებრივი რუსული მესიჯია. რაც უკრაინაში ომი დაიწყო, მას შემდეგ მე რუსულ არხებს ვუყურებ, მაგთის სპეციალურად ჩავართვევინე პაკეტი, რომ ვუყურო. ჩვეულებრივი, სტანდარტული ამბავია. რუსულ არხებზე ჰყვებიან - სიტყვაზე, თუ რუსული არმია რომელიმე უკრაინულ სოფელს დაიკავებს, შემდეგ იქ გადაღებულ კადრებს აჩვენებენ, როგორ იყო იქ მოწყობილი რაღაც სატანისტების კუთხეები და ა.შ. ეს არის ჩვეულებრივი, სტანდარტული რუსული ბოდვა, რომელიც ირაკლი ღარიბაშვილმა აქ, ჩემთან მიმართებაში გადმოამღერა. ამაში ახალი არაფერი არ არის, რუსულიდან გადმოღებულია. 

თქვა გირჩი-მეტი თავისუფლების ლიდერმა, ზურაბ ჯაფარიძემ ფორმულას ეთერში ჩართვისას. პრემიერმინისტრმა, ირაკლი ღარიბაშვილმა თქვა, რომ პარლამენტთან 7-9 მარტის აქციებზე რამდენიმე ახალგაზრდას სატანისტების ფორმა ეცვა. ასევე, ღარიბაშვილის თქმით, ერთ-ერთი, ვინც აქციაზე ძალადობა დაიწყო, სწორედ "ჯაფარიძის მოძრაობა" იყო.

კომენტარები