ოკუპირებული სოხუმი უარყოფს დაუდასტურებელ ცნობებს, რომ ე.წ. პრეზიდენტის, ასლან ბჟანიას მოსკოვში ვიზიტის ფარგლებში თვითგამოცხადებული რესპუბლიკის რუსეთთან შეერთება იგეგმება.
ამის შესახებ საუბარია ბჟანიას პრესსამსახურის მიერ გამოქვეყნებულ განცხადებაში. ტექსტში ნათქვამია, რომ ცნობები სიმართლეს არ შეესაბამება და "აფხაზეთის კონსტიტუციური სისტემის საფუძველი განხილვას არ ექვემდებარება".
განცხადება აკრიტიკებს აფხაზურ საზოგადოებრივ გაერთიანებებს, რომლებიც, ცნობის მტკიცებით, შესაძლოა ჩაითვალოს მათ მიერ "აფხაზეთის ხელისუფლების კონსტიტუციის დარღვევაში დადანაშაულების" მცდელობად.
14 თებერვალს ასლან ბჟანია მოსკოვში "სამუშაო ვიზიტით" ჩავიდა. მისი აქ დარჩენა 7-10 დღით იგეგმებოდა.
გასულ დღეებში პროკრემლისტურ ტელეგრამ-არხებზე გამოჩნდა დაუდასტურებელი ცნობები, თითქოს რუსეთის პრეზიდენტი, ვლადიმირ პუტინი 21 თებერვალს ფედერალური კრებისთვის მიმართვაში ისაუბრებდა ოკუპირებული აფხაზეთსა და ცხინვალის რეგიონთან, ასევე ბელარუსთან გაერთიანებაზე.
ოკუპირებული აფხაზეთის ე.წ. უშიშროების საბჭოს მდივანმა, სერგეი შამბამ რუსეთთან გაერთიანების შესახებ არსებული ცნობები 16 თებერვალს უარყო.
