კობახიძე ევროპარლამენტარებზე: შეგნებულად მფარველობენ დამნაშავეებს, დამნაშავე ძალას

რაც შეეხება ევროპარლამენტარებს და [რეზოლუციაში] ამ ცვლილებების ინიციატორებს, მათ ყველაფერი ძალიან კარგად იციან. ისინი შეგნებულად მფარველობენ დამნაშავეს, დამნაშავეებს, დამნაშავე პოლიტიკურ ძალას, იმიტომ რომ მათ აქვთ კონკრეტული ინტერესი. როდესაც დღეს ერთ-ერთი ოდიოზური ევროპარლამენტარი [ანდრიუს კუბილიუსი] საუბრობდა, მაგალითად იმაზე, რომ მათი წესებით უნდა ვიმოქმედოთ, ის საუბრობდა სინამდვილეში არა ევროკავშირისა და ევროპარლამენტის სახელით, ის საუბრობდა თავისი პარტიის სახელით და ეს არ არის EPP, ეს არის გლობალური ომის პარტია, რაზეც ჩვენ ხშირად ვსაუბრობთ ხოლმე. ის სინამდვილეში ამ გლობალური ომის პარტიის სახელით გვესაუბრებოდა, რომელსაც სამწუხაროდ აქვს დიდი გავლენა ევროპარლამენტზე, იმდენად სერიოზული, რომ ისინი ახერხებენ კონკრეტული ჩანაწერების გატანას რეზოლუციებში და უკვე სამი ასეთი რეზოლუცია მიიღეს.