ავსტრალიის ღია პირველობაზე ნოვაკ ჯოკოვიჩის ფანები კორტზე რუსული სიმბოლიკის გამოყენებისთვის დააკავეს.
ტურნირზე აკრძალულია რუსული სიმბოლიკის გამოყენება, თავად რუსი სპორტსმენებიც Australian Open-ზე თეთრი დროშებით ასპარეზობენ.
მიუხედავად იმისა, რომ ჯოკოვიჩი რუს ჩოგბურთელს, ანდრეი რუბლოვს ეთამაშებოდა, რუსული სიმბოლიკა სერბმა გულშემატკივრებმა გამოიყენეს. ჯოკოვიჩის ფანებს რუსული დროშები და პუტინის გამოსახულებიანი პოსტერები ეჭირათ, ასევე რამდენიმე ადამიანს Z სიმბოლოიანი მაისური ეცვა.
მელბურნის პოლიციამ 4 ადამიანი დააკავა. ამჟამად მათი დაკითხვა მიმდინარეობს.
მატჩი ჯოკოვიჩს გამარჯვებით, ანგარიშით 3:0 დასრულდა. სერბი ჩოგბურთელი ტურნირის ნახევარფინალში გავიდა.
მოგვიანებით სოციალურ ქსელში ვიდეოც გავრცელდა.
