უკრაინის თავდაცვის სამინისტროს მთავარი სადაზვერვო სამმართველოს წარმომადგენლის, ანდრეი ჩერნიაკის თქმით, რუსეთმა 15 იანვარს, შესაძლოა, დამატებითი მობილიზაცია გამოაცხადოს.
გარდა ამისა, როგორც ჩერნიაკი ამბობს, ტერორისტული ქვეყნის შეიარაღებულ ძალებში 500 000-მდე რუსს გაიწვევენ.
ასევე, სადაზვერვო სამმართველოს ცნობით, ამჯერად მობილიზაცია დიდ ქალაქებში, მოსკოვსა და სანქტ-პეტერბურგში გამოცხადდება. ამავე ინფორმაციით, რუსეთის შეიარაღებულ ძალებში მოხვდებიან კერძო და ყველა იმ სექტორში დასაქმებული კაცი, რომელსაც რუსეთის ეკონომიკისთვის მოგება მოაქვს.
