წყნარი ოკეანის მასიურმა ქარიშხალმა კალიფორნიაში ძლიერი ქარი, კოკისპირული წვიმა და თოვლი გამოიწვია. შედეგად, ელექტროენერგიის გარეშე ათასობით ოჯახი დარჩა და საგზაო მოძრაობა შეფერხდა.
4 იანვრის შემდეგ, სულ მცირე, ორი ადამიანის დაღუპვა დადასტურდა. მათგან ერთ-ერთი ბავშვია, რომელიც ჩრდილოეთ კალიფორნიაში სახლის ჩამონგრევას ემსხვერპლა.
"წლების განმავლობაში ეს იყო ერთ-ერთი ყველაზე დიდი ზამთრის ქარიშხალი, რომელიც ჩვენს რეგიონს თავს დაატყდა". - თქვა მეგან მაფლარანმა, ჩრდილოეთ და ცენტრალურ კალიფორნიაში მთავარი კომუნალური კომპანიის წარმომადგენელმა.
