კატარში, მსოფლიო ჩემპიონატის ფინალზე, რუს აქტივისტთა დაჯგუფების - Pussy Riot-ის წევრები დააკავეს. აქტივისტები მოედანზე შეჭრას უკრაინაში ომის გაპროტესტების, რუსი ოპოზიციონერი ლიდერის, ალექსეი ნავალნის გათავისუფლებისა და ირანში ქალთა მიმართ ძალადობის შეწყვეტის მოთხოვნით ცდილობდნენ.
ბერლინში არსებული საქველმოქმედო ფონდის - Cinema for Peace Foundation ცნობით, დაცვის მიერ დაკავებულთა შორის არიან Pussy Riot-ის რუსი აქტივისტები ნიკა ნიკულშინა და პეტრე ვერზილოვი, ასევე, ერთ-ერთი უკრაინელი აქტივისტი.
მედიის ინფორმაციით, აქტივისტები დაცვამ მანამდე შეაკავა, ვიდრე ისინი მოედანზე შეაღწევდნენ.
