სახალხო დამცველის მიერ შექმნილი სამედიცინო კონსილიუმის წვერი გიორგი ხუციძე მიხეილ სააკაშვილზე ამბობს, რომ ექსპრეზიდენტის მდგომარეობა ბოლო თვეებში რადიკალურად გაუარესდა და კლება თვალსაჩინოა.
"ჩვენ გვაქვს სამედიცინი ციფრი, რასაც ჰქვია სხეულს მასის ინდექსი, რომელიც ნორმაშია 19-დან 27-მდე. მიხეილ სააკაშვილის არის 20 ამჟამად. ძაან სწრაფად იკლებს წონაში. სექტემბრიდან დაახლოებით 25 კგ დაიკლო. კლება ამ დინამიკით რომ გაგრძელდეს, სადღაც 50 კგმ-დე ჩამოვა სამ თვეში და მისი კრიტიკული BMI არის 14, დაახლოებით და ამ მიზანს. კრიტიკული ზვარს როცა მიაღწევს, შემდეგ იწყება ორგანოების დაზიანება და შეუქცევადი ცვლილებები ორგანიზმში".- აცხადებს ექიმი.
მისივე თქმით, წონის შემაშფოთებელ კლებას ემატება ნეიროპათიის გაღრმავებაც, ნერვების დაზიანება, სიცხე და "რაღაც ისეთ სინდრომთან გვაქვს საქმე, რომლის დიაგნოზიც აქ ვერ დავსვით".
"რაც შეეხება კვებას. ამ სინდრომით თუ შევხედავთ, რადგანაც ავტონომიური ნეიროპათია წარმოიშვა, ანუ ქვედა კიდურების მოშლა არის. ფეხზე დგომისას ავტონომიური სისტემა აქვს მოშლილი და წნევა უვარდება. ეს სისტემა პასუხისმგებელია საკვების მონელებაზე. შეიძლება ეს იყოს სინდრომის ნაწილი, ვერ გამოვრიცხავთ, უბრალოდ აქ ჩვენ დიაგნოზს ვერ დავსვამთ საქართველოში".- ამბობს კონსილიუმის ექიმი.
მისივე თქმით, საქართველოში რისი გაკეთებაც შეიძლებოდა, ყველაფერი გაკეთდა.
"ამაზე მეტი ვერ წარმოგვიდგენია, რა შეიძლება გაკეთდეს და ამასობაში, პაციენტს შეუქცევად პროცესამდე 2-3 თვე აქვს დარჩენილი. შემდეგ უკვე დაიწყებს ორგანოების მონელებას და მერე უკვე არაფერი ეშველება".- ამბობს ექიმი.
