თურქეთის ვიცეპრეზიდენტმა, ფუატ ოქტაიმ აღნიშნა, რომ სტამბულში აფეთქება, რომლის შედეგადაც 6 ადამიანი დაიღუპა და სულ მცირე 81 დაშავდა, ტერორისტული აქტია, თავდამსხმელი კი ქალია.
"მიგვაჩნია, რომ ეს არის ტერორისტული აქტია, რომელიც დამნაშავემ, ჩვენი აზრით - ქალმა, ბომბის აფეთქებით მოაწყო". - აღნიშნა ვიცეპრეზიდენტმა.
თურქეთის პრეზიდენტმა, რეჯეფ თაიფ ერდოღანმა სტამბოლში აფეთქებას თავდასხმა უწოდა და აღნიშნა, რომ მთავრობა დამნაშავეების დასასჯელად ყველაფერს გააკეთებს.
"ყველა პასუხისმგებელი პირს ვიპოვით, ისინი დაისჯებიან". - თქვა ერდოღანმა.
აფეთქების ფაქტზე გამოძიება დაწყებულია.
სტამბოლში ისტიკლალის ქუჩაზე აფეთქება მოხდა. ამჟამად რაიონში პოლიციელების დიდი რაოდენობაა მობილიზებული. აფეთქების მიზეზი ჯერ კიდევ უცნობია.