ლარი დოლართან მიმართებით 0.38 თეთრით გამყარდა, ხოლო ევროსთან 0.8 თეთრით გაუფასურდა. 9 ნოემბრის ბოლოს, ერთი აშშ დოლარის ოფიციალური გაცვლითი კურსი 2.7328 ლარია, ერთი ევროსი კი - 2.7446 ლარი. ოფიციალური კურსით ევრო დოლარზე 1.2 თეთრით ძვირია.
კომერციულ ბანკებში დოლარის ღირებულება 2.78 ლარია, ხოლო ევროსი - 2.80 ლარი. რაც შეეხება სავალუტო ჯიხურებს, დოლარის შეძენა 2.75 ლარად შეგიძლიათ, ევროსი - 2.76 ლარად.
24 თებერვლიდან დღემდე, ევრომ დოლართან მიმართებით თავისი ღირებულების 12%-ზე მეტი დაკარგა. ევროკავშირის 19 ქვეყნის ერთიანი ვალუტის გაუფასურება დიდწილად დოლარის სიძლიერითა და ევროზონის ეკონომიკური ზრდის პროგნოზების გაუარესებითაა განპირობებული.
