დეოლიგარქიზაციის მარეგულირებელი კანონმდებლობა შეუძლებელია, ინდივიდუალურ სახელებსა და ინდივიდუალური პირების წინააღმდეგ გალაშქრებას გულისხმობდეს. აქ იგულისხმება ის, რომ კონკრეტული რეგულაციები დაწესდება, რომლის მიხედვითაც, ცალკეულ ადამიანებს ხელი შეეშლებათ, რომ მაგალითად, პოლიტიკურ პროცესებზე გავლენა იქონიონ [...] შეიძლება, რეალური პრობლემები შეექმნას მათ შორის იმ მოღვაწეობას, რომელსაც დღეს საქართველოში ბატონი დავით კეზერაშვილი ახორციელებს. ეს ნათელია, რადგან, ფაქტია, რომ ის თვითონ არ უარყოფს იმ საქმიანობას, რომელიც დეოლიგარქიზაციის პრინციპებთან აბსოლუტურად არათავსებადია. რაც შეეხება ბიძინა ივანიშვილს - მას ამ წუთას ნამდვილად არაფერი ისეთი საქმიანობა არ აქვს, რაც შეიძლება, ასეთი კატეგორიის შეზღუდვების ქვეშ მოექცეს. იმიტომ, რომ ივანიშვილი არც პოლიტიკაში ერევა და არც ისეთი საქმიანობა აქვს, რომელიც შეიძლება, რაიმე ფორმით აკრძალვის ქვემდებარე გახდეს.
დეოლიგარქიზაციის კანონპროექტი
სარჯველაძე: ბიძინა ივანიშვილი პოლიტიკაში არ ერევა
