უკრაინის პრემიერმინისტრმა, დენის შმიგალმა ამერიკის შეერთებულ შტატებს უკრაინისთვის დამატებით გამოყოფილი $1.5 მილიარდის საერთაშორისო ფინანსური დახმარებისთვის მადლობა გადაუხადა.
"უკრაინის სახელმწიფო ბიუჯეტმა $1.5 მილიარდის ღირებულების გრანტი მიიღო. აღნიშნული თანხა აშშ-ს ბოლო დახმარების, $4.5 მილიარდის ნაწილია, რომელიც ვაშინგტონმა მსოფლიო ბანკის ნდობის ფონდიდან გამოყო". - წერს შმიგალი.
შმიგალის ინფორმაციით, ფინანსური დახმარება საპენსიო დანაზოგებსა და სოციალური დახმარების პროგრამებზე ბიუჯეტის ხარჯების ანაზღაურებას მოხმარდება.