ხარკოვის ოლქის საბჭოს თავმჯდომარის მრჩეველი, ნატალია პოპოვა წერს, რომ უკრაინელმა სამხედროებმა ხარკოვის ოლქში კუპიანსკი რუსი ოკუპანტებისგან გაათავისუფლეს.
"კუპიანსკი უკრაინაა, დიდება უკრაინის შეიარაღებულ ძალებს". - დაწერა მან Facebook-ზე.
პოპოვამ უკრაინელი ჯარისკაცების ფოტო გამოაქვეყნა - მებრძოლები კუპიანსკის საკრებულოს შენობასთან დგანან და ხელში უკრაინის დროშა უჭირავთ.
უკრაინის პრეზიდენტის, ვოლოდიმირ ზელენსკის ინფორმაციით, 9 სექტემბრის მონაცემებით, უკრაინელმა სამხედროებმა ხარკოვის ოლქში 30-ზე მეტი დასახლებული პუნქტი გაათავისუფლეს.