უკრაინის პრეზიდენტის, ვოლოდიმირ ზელენსკის თქმით, ქვეყნის შეიარაღებულმა ძალებმა ხარკოვის ოლქში 30-ზე მეტი დასახლება გაათავისუფლეს, კონტრშეტევითი ოპერაციები კი რამდენიმე მიმართულებით წარმატებით გრძელდება.
"ამ დროისთვის, უკრაინის შეიარაღებულმა ძალებმა ხარკოვის ოლქში 30-ზე მეტი დასახლებული პუნქტი გაათავისუფლეს". - თქვა ზელენსკიმ ყოველდღიურ ვიდეომიმართვაში.
ზელენსკიმ აღნიშნა, რომ უკრაინელი სამხედროები, უსაფრთხოების მიზნით, ტერიტორიებს რამდენიმე მიმართულებით ამოწმებენ.
"ჩვენ თანდათან ვიღებთ კონტროლს ახალ დასახლებებზე. უკრაინის დროშას ყველგან ვაბრუნებთ და ჩვენი ხალხის დაცვას ვაგრძელებთ". - თქვა ზელენსკიმ.