ტერორისტებზე ზეწოლას ყველა ფრონტზე მოვახდენთ - ბრძოლის ველზე, პოლიტიკურ ასპექტში, ეკონომიკურ საკითხებსა და საინფორმაციო ომში. თითოეული დაბომბვისთვის ოკუპანტებს პასუხი გაეცემათ. პასუხი გაეცემათ ორიხივისთვის, ჩაპლინისთვის, შეპეტივკასთვის, მირგოროდისთვის, ხარკოვისთვის, მარიუპოლისთვის, დონბასის ქალაქებისა და ყველა სხვისთვის, ვინც რუსი სამხედროების სამიზნეა. რუსეთმა ჩვენს ქვეყანას, ევროპასა და მთელ მსოფლიოს ბევრი პრობლემა, კრიზისი და კატასტროფა მოუმზადა. თუმცა, ყველაზე დიდ საშინელებას ტერორისტული სახელმწიფო მაინც თავად განიცდის. რუსული ტიტანიკი 24 თებერვალს აისბერგს დაეჯახა და წყლის ზემოთ დარჩენა რაც არ უნდა სცადოს, ჩაძირვას მაინც ვერ გადაურჩება. მარადიული დიდება ყველას, ვინც თავისუფლებისთვის იბრძვის. მარადიული დიდება ყველა ჩვენს მებრძოლს. დიდება უკრაინას!
რუსეთ-უკრაინის 2022-26 წლის ომი
ზელენსკი: რუსული ტიტანიკი 24 თებერვალს აისბერგს დაეჯახა და ის ჩაძირვას ვერ გადაურჩება
