ჩრდილოეთ მაკედონია დათანხმდა, რომ უკრაინას ტანკები და თვითმფრინავები მიაწოდოს. ამის შესახებ უკრაინის პრეზიდენტის მრჩეველმა, მიხაილო პოდოლიაკმა ისაუბრა.
"ბევრი ქვეყანა დღეს იმაზე დიდ გამბედაობას იჩენს, ვიდრე G20-ის წევრი ქვეყნების ნახევარი. მაგალითად ჩრდილოეთ მაკედონია, რომლებიც უკრაინას ტანკებისა და თვითმფრინავების მიწოდებით მხარში უდგება". - წერს პოდოლიაკი Twitter-ზე.
ჩრდილოეთ მაკედონიის თავდაცვის მინისტრმა დაადასტურა, რომ უკრაინას გადასცემს საბჭოთა წარმოების ტანკებს.
მანამდე, უკრაინულ მედიებში ვრცელდებოდა ინფორმაცია, რომ ჩრდილოეთ მაკედონია გეგმავდა უკრაინისთვის საბჭოთა T-72-ის ტიპის ტანკების გადაცემას, რომელთა ჩამოწერასა და თანამედროვე ტექნიკის ჩანაცვლებას მომავალ წლებში აპირებდნენ. რამდენ ტანკს მიიღებს უკრაინა - ჯერჯერობით უცნობია, თუმცა როგორც უკრაინულ მედიაში წერენ, ჩრდილოეთ მაკედონია დაახლოებით 30 T-72-ს ფლობს.
