საფრანგეთის ხელისუფლებამ რუსეთის მოქალაქეების 1.2 მილიარდი ევროს ოდენობის აქტივები გაყინა. ამის შესახებ საფრანგეთის ეკონომიკისა და ფინანსთა სამინისტროს დაზვერვისა და ჩრდილოვანი ფინანსური სქემების დეპარტამენტის წარმომადგენელმა, გიომ ვალეტ-ვალმასმა La Tribune-თან ინტერვიუს დროს ისაუბრა.
ამ თანხაში არ შედის რუსეთის ცენტრალური ბანკის აქტივები და მხოლოდ კერძო პირების ქონება იგულისხმება. აღნიშნული თანხის იდენტიფიცირება და დაბლოკვა 2022 წლის პირველ კვარტალში ჩატარებული შემოწმებისას მოხდა.