ივანიშვილი: აშშ-ს ელჩთან მისივე თხოვნით 3-საათიანი შეხვედრა მქონდა

ქართული ოცნების დამფუძნებლის ბიძინა ივანიშვილის განცხადებას მისი ადვოკატები ავრცელებენ. 21 ივლისს აშშ-ს ელჩმა თქვა, რომ "მე არ შევხვედრივარ ბატონ ივანიშვილს საკმაოდ დიდი ხანია". რაც შეეხება ელჩის საქართველოში ყოფნის ბოლო 2.5 წლის განმავლობაში გამართულ შეხვედრებს, კელი დეგნანი ამბობს, რომ "არცერთი ამ შეხვედრის დროს არ მიცდია ბატონი ივანიშვილის დაშანტაჟება". აშშ-ს ელჩმა ეს კომენტარი ბიძინა ივანიშვილის დეპუტატის მიხეილ ყაველაშვილის განცხადებაზე გააკეთა. კერძოდ, ყაველაშვილის თქმით, "იბადება კითხვა, ხომ არ ყოფილა შეხვედრა კელი დეგნანსა და ბიძინა ივანიშვილს შორის უკრაინის ომის დაწყების შემდეგ, ხომ არ მოსთხოვეს მას რამე და ხომ არ ხდება რაღაც შანტაჟი“.