ბატონი გია კობახიძე, როგორც ეროვნული მოძრაობის ერთ-ერთი ლიდერი და შემდგომ უკვე საქართველოს პარლამენტის ვიცესპიკერი პირადად იყო ჩართული საქართველოსა და უკრაინის ახლადფეხადგმული დამოუკიდებელი სახელმწიფოების მეგობრობისა და თანამშრომლობის გაღრმავებასა და გამყარებაში. ბატონი დავით არახამია კი, როგორც რუსული სპეცსამსახურების თვალსაჩინო წარმომადგენელი, ასრულებს რა პატრონების დავალებას და საქართველოს მტრობაში ჩვენი ქვეყნის არაკეთილმოსურნეებს პირველობას ეცილება. ეს არის რეალობა და არა არახამიას რაღაც ნაბოდვარი, სადაც ღია ცილისწამებასა და მტრობასთან ერთად, აშკარად იკითხება საკუთარი მძიმე ცოდვების სხვისთვის გადაბრალების ამორალური, მაგრამ ძალზე უბადრუკი მცდელობა. რაც შეეხება ზოგიერთი ჟურნალისტის "მაღალ" პროფესიულ და ეთიკურ სტანდარტს, კითხვა, რომლის ტექსტის ნებისმიერი ვარიაცია შეურაცხმყოფელია, ღირსეული ადამიანისგან ყოველთვის მიიღებს ღირსეულ პასუხს. ჩემი სრული მხარდაჭერა ძალიან ღირსეული მამის ძალიან ღირსეულ შვილს, ირაკლი კობახიძეს.
ქართული ოცნება
მათიკაშვილი კობახიძეზე: ჩემი სრული მხარდაჭერა ღირსეული მამის ღირსეულ შვილს
