კობახიძე სამხარაძეზე: უხამსობა, ბილწსიტყვაობა ნაცმოძრაობის, მისი მედიების მთავარი ხაზია

დიტო სამხარაძემ თვითონ გააკეთა განცხადება ამასთან დაკავშირებით, მან საზოგადოების წინაშე მოიხადა ბოდიში და ამით ყველაფერი ნათქვამია. ჩვენი დამოკიდებულება ზოგადად ამ ყველაფრის მიმართ, გამოხატვის ფორმების მიმართ არის ცნობილი და ჩვენ ყოველთვის ამაზე ვაპელირებდით, თუმცა, მინდა შეგახსენოთ ერთი რამ, რაც შეეხება უხამსი სიტყვების გამოყენებას, უხამსობას, მათ შორის ტელეეთერებში, ბილწსიტყვაობას, ეს არის ნაცმოძრაობის და მისი მედიების ერთ-ერთი მთავარი პიარული ხაზი. ჩვენ ამ ხაზს ყოველთვის ვაპროტესტებდით, თუმცა ამ პროტესტს არავითარი რეაგირება არ მოჰყოლია. ზოგადად, კიდევ ერთხელ ვიტყვი, რომ ნებისმიერი უხამსობა, ბილწსიტყვაობა, მით უმეტეს ამის ჩვეულებრივ მოვლენად ქცევა არის ქვეყნის საწინააღმდეგოდ მიმართული მოვლენა და ამას აკეთებთ თქვენ, თქვენი პარტია და ტელევიზიები.