განსაკუთრებით მნიშვნელოვანია, რომ ამ ტიპის ინიციატივა აქვს ამ გუნდს [თავისუფლების ინსტიტუტი] სამოქალაქო საზოგადოების იმ წევრებთან ერთად, რომლებიც იზიარებენ მის ფასეულობებს. ჩვენთვის ახლა მნიშვნელოვანია, რომ, ჯერ ერთი, ამ ბრძოლაში, ამ ჩვენი ქვეყნის მომავლისთვის უაღრესად საშიშ რეჟიმთან მოქალაქეებს გულწრფელად ვანახოთ, რა გაკეთდება რეჟიმის დამარცხების შემდეგ. რეჟიმის დამარცხება მხოლოდ ნაწილია ამოცანის და მნიშვნელოვანია მერე რა მოხდება. ეს მნიშვნელოვანია თვითონ რეჟიმის დამარცხების საქმეში მოქალაქეების ჩართულობის გასაზრდელადაც, მაგრამ ამას რომ თავი დავანებოთ, რეალურად ისეთ ღრმა ორმოში ჩააგდო დღევანდელმა რეჟიმმა ქვეყანა, რომ მისი შეცვლის შემდეგ რთული ამოცანები გველის და სწრაფი მოქმედება იქნება საჭირო. რაც მთავარია, საჭირო იქნება პრინციპული მიდგომა, რაც დაყრდნობილი იქნება ღირებულებებზე და არა პოპულიზმზე და იმ წამს გულის მოგებაზე, თუნდაც საზოგადოების ნაწილის მოტყუებით. ამას სჭირდება მომზადება. მომზადება იმ რეფორმების გეგმისა და პაკეტის, რომელიც განხორციელდება რეჟიმის მშვიდობიანი ცვლილების შემდეგ.
თავისუფლების ინსტიტუტი
ბოკერია "ახალ რეს პუბლიკაზე": მოქალაქეებს ვაჩვენებთ, რა გაკეთდება რეჟიმის დამარცხების მერე
tbl.ge/5yl0
დაკოპირდა
თქვა ევროპული საქართველოს თავჯდომარემ, გიგა ბოკერიამ. თავისუფლების ინსტიტუტის ახალი პროექტის პრეზენტაცია დღეს, 14 აპრილს გაიმართა. ორგანიზაცია რეფორმების საგზაო რუკის მზადებას იწყებს. პროექტი ახალი რეს პუბლიკა შეიმუშავებს პოლიტიკურ რეკომენდაციებს, რომლებიც, განცხადების მიხედვით, საქართველოს მომავალ ლიდერებს ხელისუფლების შეცვლის პირველივე დღიდან ყველა ძირითადი სფეროს ფუნდამენტურ გარდაქმნაში დაეხმარება.
ამავე თემაზე
- თავისუფლების ინსტიტუტმა საჯარო ინფორმაციის დაფარვის გამო შესყიდვების სააგენტოს უჩივლა
- თავისუფლების ინსტიტუტი შესყიდვების სააგენტოს საჯარო ინფორმაციის დაფარვის გამო უჩივის
- ხვადაგიანი თსსუ-ზე: დაადასტურეს, რომ 2 ტენდერი გაუფორმეს შავ სიაში არსებულ რუსულ კომპანიას
- თსსუ: Liberty Institute-ის ინფორმაცია საზოგადოების თვალში ჩვენზე არასწორ წარმოდგენას ქმნის
- თავისუფლების ინსტიტუტი: თსსუ-მ ნახევარ მილიონ ლარზე მეტი რუსულ კომპანიას გადაუხადა