სტამბოლში დღევანდელი მოლაპარაკებების დაწყებამდე, უკრაინის საგარეო საქმეთა მინისტრმა, დმიტრო კულებამ დელეგაციის წევრებს სიფრთხილისკენ მოუწოდა.
"არაფერი ჭამოთ და დალიოთ, ასევე, შეეცადეთ მოერიდოთ ზედაპირებთან შეხებას" - ამბობს დმიტრო კულება უკრაინა 24-თან ინტერვიუში.
უკრაინის საგარეო საქმეთა მინისტრი დელეგაციის წევრებს აფრთხილებს მას შემდეგ, რაც გავრცელდა ინფორმაცია ბელარუსში უკრაინის დელეგაციის წარმომადგენლებსა და რომან აბრამოვიჩის სავარაუდო მოწამვლასთან დაკავშირებით.
მოწამვლის ფაქტი არ დასტურდება, Reuters-ის ანონიმური ოფიციალური პირის ვარაუდით, სიმპტომები გარემო ფაქტორების ზეგავლენით აიხსნება და არა მოწამვლით.