უკრაინის პრეზიდენტმა ვოლოდიმირ ზელენსკიმ ბრიტანეთის პარლამენტში მიმართვისას ჩერჩილის სიტყვებით ხაზი გაუსვა, რომ უკრაინა "აგრძელებს ბრძოლას საკუთარი მიწისთვის, რადაც არ უნდა დაუჯდეს".
"ჩვენ ვართ ქვეყანა, რომელიც საკუთარ მოქალაქეებს მსოფლიოში ერთ-ერთი ყველაზე ძლიერი სამხედრო ძალისგან იცავს. ჩვენ უნდა ვებრძოლოთ ვერტმფრენებს, რაკეტებს. დღეს ჩვენთვის მთავარ კითხვად დგას - ყოფნა არ ყოფნა. ეს შექსპირისეული კითხვა 13 დღეა თავს დაგვტრიალებს, მაგრამ დღეს შემიძლია დაბეჯითებით გითხრათ, რომ კითხვაზე პასუხია - "ყოფნა!". შეგახსენებთ სიტყვებს, რომელიც დიდმა ბრიტანეთმა უკვე მოისმინა, მათ დღესაც არ დაუკარგავთ აქტუალურობა: ჩვენ არ დავნებდებით. ვიბრძოლებთ ბოლომდე, ზღვასა და ჰაერში. ჩვენ გავაგრძელებთ ბრძოლას ჩვენი მიწისთვის, რადაც უნდა დაგვიჯდეს. ვიბრძოლებთ ტყეებში, ხეობებში, ნაპირებსა და ქუჩებში". - აღნიშნა ზელენსკიმ ბრიტანეთის პარლამენტთან მიმართვისას.