გამყრელიძე: ჩვენ ეპიდემია ვმართეთ

ჩვენ რომ 2020 წლის გაზაფხულზე არ მიგვეღო მკაცრი შემზღუდავი ღონისძიებები და გვქონოდა 3-4-5 ათასი ყოველდღიური შემთხვევა, დამერწმუნეთ, რომ ჯანდაცვის სისტემა ამას ვერ გაუძლებდა. შემდგომ ჯანდაცვის სისტემამ ბევრი რამ დახვეწა, ბევრი რამ იქნა განახლებული, შეძენილი, დიდი კლინიკები გახსნილი, ჩემმა კოლეგებმა, ყველამ ბევრი ვისწავლეთ ამ ინფექციის შესახებ და ამის შემდეგ, მიუხედავად იმისა, რომ პიკზე გვქონდა ხოლმე მაღალი, ჩვენ ეპიდემია ვმართეთ. მესმის, კრიტიკა არის, ზოგიერთი შეიძლება გაითვალისწინო, უმრავლესობაზე პასუხი არის და თუ ოდესმე დაგაინტერესებთ, ანალიზს სიამოვნებით გაგიტარებთ.