ბელარუსის პრეზიდენტის, ალექსანდრ ლუკაშენკოს თქმით, თუ NATO ბირთვულ იარაღს აღმოსავლეთ ევროპაში განალაგებს, მაშინ ის რუსეთის ფედერაციას ბელარუსში ატომური იარაღის განთავსებას სთხოვს. ამის შესახებ მან Россия сегодня-სთვის მიცემულ ინტერვიუში ისაუბრა.
"მაშინ, მე პუტინს შევთავაზებ დააბრუნოს ბირთვული იარაღი ბელარუსში. მოვილაპარაკებთ რომელი [ბირთვული იარაღი] იქნება. ისეთი ბირთვული იარაღი, რომელიც ასეთ კონტაქტში ყველაზე ეფექტური იქნება", – თქვა ლუკაშენკომ.
აქამდე, გასულ თვეში NATO-ს გენერალურმა მდივანმა იენს სტოლტენბერგმა განაცხადა, რომ ის ელის გერმანიის ჩრდიოლატლანტიკური ალიანსის ბირთვული გაზიარების პროგრამაში დარჩენას. ამაში იგულისხმება, რომ გერმანია თანახმა იქნება საკუთარ ქვეყანაში მყოფი აშშ-ს ატომური ბომბების დატოვებაზე. მან დაამატა, რომ თუ გერმანია უარს იტყვის ბირთვული იარაღის შენახვაზე, მაშინ შესაძლებელი იქნება მისი NATO-ს სხვა ქვეყნებში განთავსება, მათ შორის აღმოსავლეთით.
"გერმანიის გადასაწყვეტია იქნება თუ არა ბირთვული იარაღი მათ ქვეყანაში. მაგრამ ალტერნატივაა ბირთვული იარაღის ევროპის სხვა ქვეყნებში შენახვა, გერმანიის აღმოსავლეთის ჩათვლით", – თქვა სტოლტენბერგმა გასულ თვეში.
ლუკაშენკოს შეფასებით, სტოლტენბერგმა "გერმანიის აღმოსავლეთში" პოლონეთი იგულისხმა. მისი მუქარით, თუ ატომური იარაღი პოლონეთში განთავსდება, მაშინ თავად რუსეთს სთხოვს ბირთვულ იარაღს.
