მიხეილ სააკაშვილი

კობახიძე: ე.წ. კონსილიუმმა ტიკარაძის პოზიციასთან დაკავშირებით ფეიკი გაავრცელა

ქართული ოცნება / Georgian Dream / Facebook

ქართულო ოცნების თავმჯდომარის, ირაკლი კობახიძის თქმით, ტყუილია სახალხო დამცველთან არსებული ექიმთა კონსილიუმის წევრების მიერ გავრცელებული განცხადება, რომ ეკატერინე ტიკარაძე მიხეილ სააკაშვილის სამოქალაქო კლინიკაში გადაყვანის მომხრეა. მისი თქმით, ამ საკითხზე ეკატერინე ტიკარაძე განმარტებას თავადვე გააკეთებს. 

"ეკა ტიკარაძეს აქვს მკაფიო პოზიცია ამაზე. რაც შეეხება ე.წ. კონსილიუმს, რომელმაც განსხვავებული პოზიცია გაავრცელა, აქედან ჩანს, რომ ეს ე.წ. კონსილიუმი თვითონ არის ფეიკი და ავრცელებს ფეიკებს ტიკარაძის პოზიციაზე. ამაზე მინისტრი თვითონ გააკეთებს განცხადებას". - ამბობს ირაკლი კობახიძე.

სახალხო დამცველთან არსებული ექიმთა კონსილიუმის წევრები ჯანდაცვის მინისტრს, ეკატერინე ტიკარაძეს 18 ნოემბერს შეხვდნენ. შეხვედრის შემდეგ კი კონსილიუმის წევრმა, რეანიმატოლოგმა, გიორგი გრიგოლიამ განაცხადა, რომ ტიკარაძე დაეთანხმა არგუმენტს სააკაშვილის მრავალპროფილურ კლინიკაში გადაყვანაზე.

კომენტარები