თბილისის მერმა, კახა კალაძემ, დედაქალაქის მართვისა და ეკონომიკის პოლიტიკის პრეზენტაციისას თქვა, რომ მომდევნო წლებში დედაქალაქის ბიუჯეტი 1 700 000 000 ლარამდე გაიზრდება.
კალაძის თბილისში ბიზნესის მხარდაჭერის პროგრამის თანახმად, მუნიციპალიტეტის მოიჯარეებს 2022 წლამდე საიჯარო ქირა და პირგასამტეხლოები ჩამოეწერებათ.
ბიზნესის მხარდაჭერის პროგრამა შემდეგ შეღავათებს მოიცავს:
- მუნიციპალიტეტის და მუნიციპალური საწარმოს 700-მდე მოიჯარე 11 მილიონამდე საიჯარო გადასახადისგან გათავისუფლდება.
- 160-მდე ღია კაფის მფლობელი გათავისუფლდება 2022 წლის 800 000 ლარის იჯარის გადასახადისგან.
- პანდემით დაზარალებული 1000-მდე მუნიციპალიტეტის მოიჯარე და ღია კაფის მფლობელს შეეძლება უძრავი ქონებით სარგებლობის ვადა დამატებით 2 წლით გაიხანგრძლივოს.
- მოიჯარეებს, რომელთაც სარგებლობის ვადა ამოეწურათ ან ვადაზე ადრე შეუწყდათ 2021 წლის 1-ლი იანვრიდან დღემდე, ან რომელთა ხელშეკრულების ვადაც 2022 წლის პირველ იანვრამდე იწურება, ხელშეკრულების ვადის აღდგენა-გაგრძელება 2024 წლის პირველ იანვრამდე შეეძლებათ.
- პანდემით დაზარალებულ მოიჯარეებს ქირის გადაუხდელობის გამო დაკისრებული პირგასამტეხლოები ჩამოეწერებათ.
- ტურისტული ობიექტები ეთჯერადად დასუფთავების მოსაკრებლისგან გათავისუფლდებიან.