დიდი ხანია, მაგრამ ახლა უკვე ღარიბაშვილი და საქართველოს ხელისუფლება თვითონ აკეთებს ამ დეკლარირებას, რომ საქართველომ მკვეთრად გადაუხვია ევრო-ატლანტიკური კურსიდან. მე მახსენდება 2013 წლის ნოემბერი, როდესაც მაშინდელმა უკრაინის პრემიერმინისტრმა, აზაროვმა, ევროკავშირის დახმარებაზე უარი თქვა, იანუკოვიჩის დავალებით და შემდეგ უკვე ასოცირების ხელშეკრულებაზე და შეთანხმებაზე.
საქართველოში ხელისუფლებამ პრაქტიკულად უარყო ევრო-ატლანტიკური კურსი. უმძიმესი, სახიფათო თამაშია, რითაც აუცილებლად ისარგებლებს პუტინი და ზუსტად პუტინთან კეკლუცობა და ცეკვაა ეს, რაც გულისხმობს იმას, რომ საქართველო ბრუნდება რუსულ ორბიტაზე.