თბილისში, ცირკის მიმდებარე ტერიტორიაზე ტრანსგენდერი ქალი დაჭრეს.
"ავტომობილიდან იყო სროლა, ტრანსგენდერი ქალის მიმართ განხორციელდა სროლა, რომელსაც მოჰყვა ტრანსფობიური შეძახილები. მე მაქვს ვარაუდი, რომ ეს ყველაფერი უკავშირდება 5 ივლისის მოვლენებს. რამდენიმე ადამიანი იყო - ახალგაზრდა მამაკაცი, 25-30 წლამდე. არ ვიცი, რა იარაღი იყო, მაგრამ სისხლი მოსდიოდა ნიკაპიდან და ზურგის არიდან.
სასწრაფოში დავრეკეთ და სასწრაფომ პოლიცია გამოიძახა, ჩვენ პოლიციაში არ ვრეკავთ ხოლმე, დიდად არ მოქმედებენ". - ამბობს თვითმხილველი ფორმულასთან საუბარში.
მომხდარზე შსს-მ გამოძიება დაიწყო. უწყებაში დამატებით კითხვებს არ პასუხობენ.
