ევროპული საქართველი მერობის კანდიდატებს 12 მუნიციპალიტეტში წარადგენს. ამის შესახებ პარტიის ლიდერმა გიგა ბოკერიამ ბრიფინგზე ისაუბრა.
ბოკერიას თქმით, 2 მუნიციპალიტეტში, კერძოდ, ხონსა და თერჯოლაში უკვე ცნობილია, რომ ევროპული საქართველოს წარდგენილ კანდიდატებს სხვა ოპოზიციური პარტიებიც დაუჭერენ მხარს, ხოლო დანარჩენ მუნიციპალიტეტებზე ჯერ ცნობილი არ არის.
ევროპული საქართველო კანდიდატებს წარადგენს შემდეგ მუნიციპალიტეტებში:
- ეთერ ჯალაღონია – გორი
- ზურაბ სადათეირაშვილი – ახალციხე
- არაენ კარაპეტიანი – ახალქალაქი
- ახმედ იმამკულიევი – მარნეული
- ჟუკიანა ფოფხაძე – სამტრედია
- აკაკი გეჯაძე – კასპი
- მაია კაციტაძე – ამბროლაური
- ნინო დავითაშვილი – თეთრიწყარო
- ზურაბ ბუცხრიკიძე – თერჯოლა
- ზურაბ ჯიბუხაია – ხონი
წალენჯიხაში, ნინოწმიდასა და ადიგენში ევროპული საქართველო მერობის კანდიდატების ვინაობა ჯერ-ჯერობით ცნობილი არ არის.
ასევე ცნობილია, რომ 16 მუნიციპალიტეტში ევროპული საქართველო ოპოზიციის დიდი ნაწილის მერობის საერთო კანდიდატს დაუჭერს მხარს. ეს მუნიციპალიტეტებია: ქუთაისი, ბათუმი, ზუგდიდი, თელავი, რუსთავი, წყალტუბო, მარტვილი, ქობულეთი, ხულო, ასპინძა, ახმეტა, გურჯაანი, დმანისი, ლანჩხუთი, მესტია, ჭიათურა.
ასევე, 664 სამაჟორიტარო ოლქიდან 315 ოლქში სხვადასხვა პარტიებს შორის შედგა შეთანხმება საერთო კანდიდატების მხარდაჭერასთან დაკავშირებით.
