საქართველოს ჯანდაცვის მინისტრის მოადგილის, თამარ გაბუნიას თქმით, საქართველოში ჯერჯერობით ინდური შტამი დაფიქსირებული არ არის.
რაც შეეხება ვაქცინების ეფექტიანობას ახალ შტამებთან მიმართებაში, გაბუნიას განმარტებით, ბაზარზე არსებული ვაქცინები, ამ დროისთვის, ყველა შტამის შემთხვევაში ეფექტიანია.
"ამ დროისთვის ქვეყანაში ინდური შტამის არცერთი შემთხვევა დაფიქსირებული არ არის. რაც შეეხება ვაქცინის ეფექტურობას ახალ და განსაკუთრებით ინდურ შტამთან მიმართებაში, ჯერ ყველა მწარმოებელი ადასტურებს, რომ ის ვაქცინები, რომლებიც ბაზარზეა შემოსული, ეფექტურია შესაძლო გარკვეული მერყეობით.
ყოველ შემთხვევაში, „ფაიზერმა“ დაადასტურა, რომ მისი ვაქცინა მაღალეფექტურია ყველა შტამთან მიმართებაში, სხვა მწარმოებლები ამბობენ, რომ შესაძლოა, იყოს გარკვეული ეფექტურობის შესუსტება, მაგრამ ზუსტად რაზეა საუბარი, ეს კვლევებით უნდა დადასტურდეს. ყველა მიყვება იმ რეკომენდაციას, რომ ვაქცინა ეფექტურია ყველა შტამის შემთხვევაში და ჩვენც იგივე რეჟიმში ვაგრძელებთ ვაქცინაციის პროცესს". – ამბობს გაბუნია.
- კოვიდაფეთქება ინდოეთში – გაკვეთილი განვითარებადი ქვეყნებისთვის
- იმნაძე: სამხრეთაფრიკული, ბრაზილიური და ინდური შტამი ჯერ არ დაგვიჭერია
11 მაისის დილის მონაცემებით, ქვეყანაში კორონავირუსით ინფიცირების 324 256 შემთხვევაა დადასტურებული, მათგან 303 679 გამოჯანმრთელდა, 4 336 კი გარდაიცვალა.
