გაბუნია: შეიძლება, AstraZeneca-სთან მიმართებით მოხდეს ასაკის მოდიფიცირება

ასტრაზენეკასთან დაკავშირებით, როგორც იცით, აზრთა სხვადასხვაობა არის არამხოლოდ ჩვენთან, არამედ სრულად ევროპის რეგიონში. გასული კვირის განმავლობაში გერმანიამ მოხსნა ასაკობრივი შეზღუდვა, რაც ჩვენთვის იყო კიდევე ერთი დადასტურება იმისი, რომ ის მოსალოდნელი გართულება, რომელიც შესაძლებელია, რომ ასტრაზენეკას უკავშირდებოდეს, იმდენად იშვიათია, რომ ასტრაზენეკასთან დაკავშირებული სარგებელი ნებისმიერ ასაკში აჭარბებს იმ რისკს, რაც, შესაძლოა, იყოს განპირობებული. დღეს კიდევ ვიმსჯელეთ, შესაძლოა, გარკვეული მოდიფიცირება ასაკის ასტრაზენეკასთან მიმართებაში, რადგან ჩვენც მოგვმართავს ძალიან ბევრი მოქალაქე, მათ შორის ჯანდაცვის პროფესიონალები და ისინი გვთხოვენ, რომ გადავხედოთ ამ გადაწყვეტილებას.