პოლიტიკური კრიზისი

მიშელი: ვულოცავ პოლიტიკურ ლიდერებს დოკუმენტზე ხელმოწერას ამ კრიზისიდან გამოსასვლელად

ევროპული საბჭოს პრეზიდენტი, შარლ მიშელი მხარეებს შეთანხმებაზე ხელმოწერას ულოცავს.

"საქართველოს გაუმარჯოს!

ვულოცავ პოლიტიკურ ლიდერებს შეთანხმებაზე ხელმოწერას ამ კრიზისიდან გამოსავლელად

თქვენ ხალხის ინტერესი ყველაზე მაღლა დააყენეთ და დემოკრატიას გამარჯვების საშუალება მიეცით.

მადლობა სალომე ზურაბიშვილს და ყველა პარტიას". – წერს შარლ მიშელი

პრეზიდენტის სასახლეში ოპოზიციური პარტიების ნაწილმა და ქართულმა ოცნებამ ხელი მოაწერეს ევროპული საბჭოს პრეზიდენტის, შარლ მიშელის დოკუმენტს - საქართველოს წინსვლის გზა.

ოპოზიციური პარტიებიდან ხელი მოაწერეს ლელომ (ბადრი ჯაფარიძე, მამუკა ხაზარაძე), სტრატეგია აღმაშენებელმა (გიორგი ვაშაძე), გირჩმა (ვახტანგ მეგრელიშვილი), გირჩი-მეტი თავისუფლებამ (ზურაბ ჯაფარიძე), მოქალაქეებმა (ალეკო ელისაშვილი), რესპუბლიკურმა პარტიამ (ხათუნა სამნიძე), ასევე, ინდივიდუალურად მოაწერეს ხელი არჩეულმა დეპუტატმა დავით ბაქრაძემ და ენმ-ის წევრმა სალომე სამადაშვილმა.

ქართული ოცნებიდან ხელი მოაწერეს არჩილ თალაკვაძემ და შალვა პაპუაშვილმა.

შარლ მიშელის დოკუმენტს ხელი არ მოაწერეს ერთიანმა ნაციონალურმა მოძრაობამ და ევროპულმა საქართველომ. ენმ-ს განცხადებით, მოლაპარაკების სივრცის გასახსნელად აუცილებელია ნიკა მელიას უპირობოდ, გირაოს გარეშე გათავისუფლება.

ევროპული საქართველოს ლიდერის, გიგა ბოკერიას თქმით კი,  "ჩვენს სიტყვას აქვს ფასი, როცა რაღაცას ვამბობთ, იმას ვაკეთებთ". მან აღნიშნა, რომ თვითმმართველობის არჩევნების შედეგებზე ვადამდელი არჩევნების მიბმა არასწორია და ეს საკითხი გამოსასწორებელია

კომენტარები