დღეს, 5 აპრილს საერთაშორისო რესპუბლიკური ინსტიტუტის კვლევა გამოქვეყნდა, რომლის მიხედვითაც მოსახლეობის 63% ამბობს, რომ ოჯახში ეკონომიკური მდგომარეობა გაუუარესდა, აქედან 20% ამბობს, რომ ძალიან გაუუარესდა. მეორე მხრივ, 1%-ზე ნაკლები ამბობს, რომ მისი ეკონომიკური მდგომარეობა ოჯახში გაუმჯობესდეს.
კითხვაზე, თუ რა არის ყველაზე დიდი პრობლემა საქართველოში, უმრავლესობა უმუშევრობას ასახელებს:
- უმუშევრობა(65%)
- მაღალი ფასები(37%)
- სიღარიბე (26%)
- COVID-19 (16%)
ჯამში, მოსახლეობის 76% ამბობს, რომ ქვეყანაში ეკონომიკური მდგომარეობა გაუარესდა, აქედან 39% ამბობს, რომ ძალიან გაუარესდა.
კვლევა ჩატარდა 2021 წლის 2-26 თებერვლის პერიოდში. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 პროცენტს, გამოპასუხების მაჩვენებელი – 75%.
