აშშ-ის ერთ-ერთი უმსხვილესი ბანკის, Goldman Sachs-ის ეკონომისტების ვარაუდით, 2021 წელს აშშ-ის ეკონომიკა 8%-ით გაიზრდება.
ბანკის მოლოდინის გამართლების შემთხვევაში, ეს იქნება აშშ-ის ისტორიაში ერთ-ერთი ყველაზე მაღალი ეკონომიკური ზრდის მაჩვენებელი, რომლის მსგავსიც 1951 წლის შემდეგ არ დაფიქსირებულა.
8%-იანი ზრდის შემთხვევაში აშშ-ის მშპ 22.6 ტრილიონ დოლარს მიაღწევს.
ეკონომისტების ასევე ვარაუდობენ, რომ უმუშევრობის დონე 4%-ს, ხოლო ინფლაცია 2.1%-ს მიაღწევს.
სტატისტიკის ბიუროს ინფორმაციით, 2019 წელს აშშ-ის მშპ 2.2%-ით გაიზარდა, ხოლო 2020 წელს ის 3.5%-ით შემცირდა.
Goldman Sachs-ის ვარაუდი მნიშვნელოვნად აჭარბებს უოლ სტრიტის სხვა საფინანსო ინსტიტუტების საშუალო მოლოდინის, რომლის მიხედვით, 2021 წლის ბოლოს ეკონომიკური ზრდა მხოლოდ 4.7% იქნება.
