გასული კვირების განმავლობაში კორონავირუსზე გატესტილ რელიგიის მსახურებში, დადებითობის მაჩვენებელი 1%-ია. თქვა ამის შესახებ საკოორდინაციო საბჭოს სხდომის დასრულებისას დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.
შემდეგ, ყველაზე მაღალი მაჩვენებელი – 0.5% ტაქსის მძღოლების ტესტირებისას აღირიცხა. ამირან გამყრელიძის ცნობით, გაიტესტა 20 0000-მდე ტაქსის მძღოლი.
ბაზრობის მოვაჭრეებში დადებითობის მაჩვენებელი 0.4%-ია. 0.2%-ია მოლებსა და დიდ სავაჭრო ცენტრებში დასაქმებულებში, ასევე 0.2%-ია დადებითობის მაჩვენებელი გატესტილ პედაგოგებში (ამ დრომდე გაიტესტა 50 000-მდე მასწავლებელი).
საქართველოში ბოლო 24 საათში კორონავირუსით კიდევ 11 ადამიანი გარდაიცვალა. ჩატარდა 9 197 ტესტი და დადასტურდა ინფიცირების 165 ახალი შემთხვევა. გამოჯანმრთელდა 639 ადამიანი.
15 თებერვლის დილის მონაცემებით, ქვეყანაში კორონავირუსით ინფიცირების 265 722 შემთხვევაა დადასტურებული, მათგან 258 732 ადამიანი გამოჯანმრთელდა,3 363 კი გარდაიცვალა.