ოთხშაბათს, 10 ოქტომბერს ჩინურმა კოსმოსურმა მისიამ Tianwen 1 მარსის ორბიტას მიაღწია. მისია ორბიტული მფრინავი აპარატის, დასაჯდომი მოდულისა და როვერისგან შედგება.
კოსმოსური მისიის ფარგლებში, მას შემდეგ რაც Tianwen 1 პლანეტის ორბიტაზე რამდენიმე თვეს გაატარებს, იგეგმება ზედაპირზე როვერის გადასმა, თუ კოსმოსური მანევრი წარმატებული იქნება, ჩინეთი მსოფლიოში მეორე ქვეყანა გახდება, რომელმაც მარსზე როვერი წარმატებით დასვა.
გეგმის თანახმად, როვერი უტოპიის კრატერში უნდა დაეშვას. 1976 წელს ამ დაბლობზე დაეშვა დასაჯდომი მოდული US Viking-ი. როვერი, რომელიც მზის ენერგიაზე მუშაობს, დაახლოებით სამი თვის განმავლობაში იმუშავებს მარსზე. ხოლო ორბიტული მფრინავი აპარატი, რომელიც პლანეტის ორბიტაზე დარჩება - 2 წელი. როვერის მიზანია, მარსზე წყლის და შესაძლო სიცოცხლის კვალი ეძებოს.
Tianwen 1 მეორე კოსმოსური მისიაა, რომელმაც თებერვალში წითელი პლანეტის ორბიტას მიაღწია. 9 თებერვალს მარსის ატმოსფეროში შევიდა არაბთა გაერთიანებული საამიროების ზონდი. 18 თებერვალს კი წითელ პლანეტას NASA-ს როვერი შეუპოვრობა მიაღწევს.
სამივე კოსმოსური მისია 2020 წლის ივლისში გაუშვეს. სამივე მისიის ერთ პერიოდში გაშვება განპირობებული იყო ამ დროს მარსისა და დედამიწის სიახლოვით - მოვლენით, რომელიც ყოველ ორ წელიწადში ერთხელ ხდება. პლანეტების დაახლოება მარსამდე ჩასვლის დროს ამცირებს.
