2020 წელი

10 ციტატა, რომელიც 2020 წელს ტაბულაზე ყველაზე ბევრჯერ წაიკითხეს

2020 წელი

10 ციტატა, რომელიც 2020 წელს ტაბულაზე ყველაზე ბევრჯერ წაიკითხეს

2020 წლის ყველაზე 12 ყველაზე პოპულარული სტატია/ნიუსი, რომელიც ტაბულაზე გამოქვეყნდა, უკვე გაგაცანით, თუმცა, მათში არ შესულა ამა თუ იმ პოლიტიკოსის, ექიმის, საჯარო, კერძო თუ სასულიერო პირის ციტატები, რომლებიც ჩვენს ვებგვერდზე ვერბატიმის ფორმატით ქვეყნდება. 

I ადგილი, 110 000 ნახვა

21 მარტს, NCDC-ის დირექტორის მოადგილეს, პაატა იმნაძეს "ეჩვენებოდა", რომ ქვეყანაში მორწმუნეების დევნის კამპანია დაიწყო.

"კომუნისტების დროს იყო მებრძოლ-ღვთისმგმობავთა კავშირი და იმ მეთოდებით არ შეიძლება ეკლესიასთან ბრძოლა."

II ადგილი, 92 000 ნახვა

7 ოქტომბერს პრემიერმინისტრი გიორგი გახარია ირწმუნებოდა, რომ ლოკდაუნის გამოცხადებით 2 კვირაში შეაჩერებდნენ ვირუსის გავრცელებას.

"ეს რომ არ გვინდა, ამიტომ ვამბობთ, რომ ვატაროთ პირბადე, დავიცვათ დისტანცია."

III ადგილი, 81 000 ნახვა

9 სექტემბერს კორონავირუსის მართვის კლინიკური ჯგუფის ხელმძღვანელი თენგიზ ცერცვაძე ამტკიცებდა, რომ ეპიდემიის ფართოდ გავრცელების, საგანგებო მდგომარეობის და ჩაკეტვის საფრთხე არ იყო.

"მცირე მატება არის, მაგრამ არავითარი საფრთხე, ჩემი, როგორც ექსპერტის აზრით, ეპიდემიის ფართოდ გავრცელების და მისი კონტროლიდან გამოსვლის, საგანგებო მდგომარეობის, კარანტინის და ჩაკეტვების არ არის."

IV ადგილი, 53 000 ნახვა

21 მარტს ექიმი გიორგი პაპიაშვილი მოუწოდებდა თავის კოლეგებს, მკაფიოდ დაეფიქსირებინათ თავიანთი აზრი ეკლესიებში ხალხმრავლობასა და საერთო კოვზით ზიარების პრაქტიკის არ შეცვლაზე.

"რატომ ცდით ღმერთს? ვირუსმა არ იცის მორწმუნე და ურწმუნო. თქვენს რწმენას არაფერი დააკლდება უსაფრთხოების წესების დაცვით.“

V ადგილი, 51 000 ნახვა

18 ნოემბერს Covid-ინფიცირებულმა თენგიზ ცერცვაძემ თავისი დაავადების მიმდინარეობა გააცნო საზოგადოებას. 

"ამ დროისთვის ტემპერატურა 37.5 გრადუსი მაქვს. მაწუხებს ხველა, ყელის და თავის ტკივილი, სისუსტე. მიუხედავად ასეთი დისკომფორტისა და ჩემს თავს არსებული რეალობისა, ვცდილობ, ვიყო მხნედ, მაქსიმალურად ვცდილობ სახლის პირობებში ვიმკურნალო და ასე ვადევნო თვალი ქვეყანაში მიმდინარე მოვლენებსა თუ ეპიდვითარებას."

VI ადგილი, 48 000 ნახვა

8 სექტემბერს პაატა იმნაძემ თქვა, რომ რაც უფრო მოგვეჩვევა Covid 19 ადამიანებს, უფრო ნაკლებად ლეტალური გახდება.

"ჩანს, რომ ასე ხდება."

VII ადგილი, 44 000 ნახვა

16 აპრილს, დეკანოზმა ალექსანდრე გალდავამ სააღდგომო ღამის ლიტურგიაზე ტაძრებში მრევლის თავშეყრაზე ილაპარაკა.

"თუ ამხელა გაფრთხილებების უგულებელყოფის ხარჯზე ხდება შენი დღესასწაული, რაღა აზრი აქვს? თუ მთელი საქართველო გაბრაზებული და უნდობლობით გიყურებს, როგორ უნდა ვიდღესასწაულოთ ჩვენ, თუ ჩვენი მრევლი, რომელიც დარჩენილია სახლში, მათ გულს გავუტეხავთ... და ის ხალხი, ვინც იბრძვის და გვეხვეწება, ნუ ჩავარდებით ისეთ მდგომარეობაში, რომ ვეღარ ვმართოთ სიტუაცია, და ათასობით ადამიანი გარდაიცვალოს, რა დღესასწაული იქნება ეს, რომელი სიცოცხლის გამარჯვება იქნება სიკვდილზე?"

VIII ადგილი, 42 000 ნახვა

რესპუბლიკური პარტიის წევრმა, ლევან ბერძენიშვილმა ქართული ოცნების მხარდამჭერებს ნაციის "სამარცხვინო, ავადმყოფი ნაწილი" უწოდა.

"საზოგადოების ავადმყოფი ნაწილი ინტენსიურად მირეკავს და თავისი საქციელით მღელვარედ მიდასტურებს, რომ ნამდვილად ავადაა და დიაგნოზი არ არის დამაიმედებელი"

IX ადგილი, 39 000 ნახვა

2 აპრილს, მაშინ, როცა კორონავირუსის პრევენციის მიზნით ONLINE ვაჭრობაც აკრძალული იყო, პრემიერმა გიორგი გახარიამ არასერიოზული უწოდა "ტელეფონის ან ნაუშნიკის" ყიდვის სურვილს და საჭიროებას. 

"როგორ შეიძლება, როდესაც ამხელა გამოწვევაზე ვსაუბრობთ, ვერ მოვითმინოთ ორი კვირის განმავლობაში მუსიკალური პლეიერის ყიდვა, ეს უბრალოდ, ჩემთვის გაუგებარია."

X ადგილი, 37 000 ნახვა

10 ნოემბერს, ენმ - ძალა ერთობაშიას მაჟორიტარი კანდიდატი ნანუკა ჟორჟოლიანი გრიგოლ ვაშაძის განცხადებას გამოეხმაურა. მაშინ გრიგოლ ვაშაძემ მიმართა ყველა პოლიტიკურ პარტიას, "სასწრაფოდ გადავიტანოთ პროცესი მოლაპარაკების მაგიდასთან, ჩავანაცვლოთ ქუჩა ყველა დონის საკონონმდებლო ორგანოების ტრიბუნით და ყველა ძალას მოვუხმოთ სახელმწიფოს ღრმა კრიზისიდან გამოსაყვანად".

"არასოდეს ნაციონალებს ხმას აღარ მივცემ, ეს რომ გააკეთონ. იმედია, გრეჩიხაზე ღირსეულად მოიქცევა უმრავლესობა."

კომენტარები