წულუკიანი: ჩვენმა ხელისუფლებამ განათლების სფეროში გიგანტური ნაბიჯებით იარა წინ

პროგრესი, რასაც ქართული ოცნების ხელისუფლებამ განათლების სფეროში მიაღწია არის შესაფასებელი და სათანადოდ დასაფასებელი, რაც უნდა ვინმეს არ მოსწონდეს, იმიტომ რომ ჩვენი ხელისუფლება არის ის ხელისუფლება, რომელმაც ამ სფეროში გიგანტური ნაბიჯებით იარა წინ. თუმცა, ალბათ არ გაგვიკვირდება, თუ ვიტყვი, რომ ეს, რა თქმა უნდა, საკმარისი არ არის და უნდა ვისაუბროთ იმაზე, რას ვაკეთებთ მომავალში. იმისთვის, რომ ჩვენ მივაღწიოთ ეროვნულ მიზნებს და არა მხოლოდ, ვიყოთ გაეროს მდგრადი განვითარების მიზნების წარმატებით შემსრულებლები. რაც გავაკეთეთ კარგია, მაგრამ, როგორც ჩვენი დიდი სპორტსმენები იტყვიან, დროა, რომ უფრო მაღლა, უფრო სწრაფად და უფრო ძლიერად! ჩვენმა კომიტეტმა და განათლების სამინისტრომ ვიმუშაოთ და ეს დევიზი იქნებ ოლიმპიელებმა დროებით გვათხოვონ.