განათლების, მეცნიერების, კულტურისა და სპორტის მინისტრი, მიხეილ ჩხენკელი თვითიზოლაციაში გადავიდა. ინფორმაციას სამინისტრო ავრცელებს.
მათივე ინფორმაციით, კორონავირუსი მისი ოჯახის წევრს დაუდასტურდა. მინისტრს არ აღენიშნება კოვიდ 19-სთვის დამახასიათებელი სიმპტომები, თავს კარგად გრძნობს და საქმიანობას დისტანციურ რეჟიმში გააგრძელებს.
თვითიზოლაციაში იმყოფებიან მთავრობის ადმინისტრაციის ხელმძღვანელი ნათია მეზვრიშვილი და ეკონომიკის მინისტრი ნათია თურნავა.
პრემიერმინისტრ გიორგი გახარიას ახალი კორონავირუსი, გუშინ, 2 ნოემბერს დაუდასტურდა.