სვანეთში, სოფელი ლატალის მიმდებარედ, ტყეში ხანძარია. ცეცხლი ტყის ქვედა საფარს, ეკალბარდს და ბუჩქნარს უკიდია.
შინაგან საქმეთა სამინისტროს საგანგებო სიტუაციების მართვის სამსახურის ცნობით, ამ დროისთვის, ადგილზე ინდივიდუალური აღჭურვილობით მობილიზებულია 50 მეხანძრე-მაშველი და ცეცხლის ქრობის ინტენსიური სამუშაოები მიმდინარეობს. დამატებითი მობილიზებული ძალები თბილისიდან, იმერეთიდან და სამეგრელოდან მიემართებიან.
მზადყოფნაშია სასაზღვრო პოლიციის ვერტმფრენი, რომელიც, საჭიროების შეთხვევაში, ცეცხლის ქრობის პროცესში ჩაერთვება.
