უილიამ შექსპირის პიესების კრებულის პირველი გამოცემის ეგზემპლარი 9.98 მილიონ დოლარად გაიყიდა.
წიგნი 1623 წელს გამოიცა, 7 წლის შემდეგ ლეგენდარული მწერლის გარდაცვალებიდან. დღეისთვის, მსოფლიოში პირველი გამოცემის დაახლოებით 235 ეგზემპლარი არსებობს და მათგან მხოლოდ რამდენიმეა კერძო მფლობელობაში.
წიგნი აუქციონზე ოთხშაბათს, 14 ოქტომბერს, ოკლენდის უნივერსიტეტმა Mills College-მა გაყიდა. კერძო უნივერსიტეტი წიგნს 1960-იანი წლებიდან ფლობდა.
იმ ადამიანის ვინაობა, ვინც პიესების კრებული შეიძინა, უცნობია.
წიგნში ერთად არის თავმოყრილი უილიამ შექსპირის 36 პიესა. ამ გამოცემის გარეშე არ იარსებებდა Macbeth-ის, Twelfth Night-ის, Julius Ceasar-ისა და The Tempest-ის წერილობითი ვერსიები.
