Getty Images
Shutterstock
AP
Getty Images
AFP
Getty Images
Getty Images
EPA
AP
Getty Images
Reutersაშშ-ს დასავლეთ შტატებში ძლიერი ტყის ხანძრები მძვინვარებს. ორეგონის შტატში ხანძარმა, სულ მცირე, ხუთი ქალაქი გაანადგურა. ხანძარს სამი ადამიანის სიცოცხლე ემსხვერპლა. ხანძარს შეეწირა ერთი ადამიანი ვაშინგტონის შტატშიც. კალიფორნიაში ათასობით ადამიანს საკუთარი სახლების დატოვება მოუწია. დაიღუპა სამი ადამიანი.
ორეგონის გუბერნატორის ქეით ბრაუნის განცხადებით შტატის ისტორიაში ეს შეიძლება ყველაზე დამაზიანებელი ხანძრების სერია იყოს. გუბერნატორ ბრაუნის ინფორმაციით, მეხანძრეები 120 000 ჰექტარზე მეტ ფართობზე 35 ტყის ხანძარს ებრძვიან.
აშშ-ს დასავლეთ სანაპიროზე ხანძრების სწრაფ გავრცელებას გვალვა და ძლიერი ქარი უწყობს ხელს. კალიფორნიაში ერთ მილიონ ჰექტარზე მეტია დამწვარი, რაც შტატისთვის რეკორდული მაჩვენებელია.
კალიფორნიის ხანძრისგან გამოწვეული კვამლის გამო სან-ფრანცისკოსა და კიდევ რამდენიმე ქალაქში ცა წითლად შეიფერა.
