საქსტატმა აგვისტოს ინფლაციის სტატისტიკა გამოაქვეყნა. უწყების ინფორმაციით, გასულ თვეში წლიურმა ინფლაციამ 4.86% შეადგინა. რაც შეეხება საბაზო ინფლაციას, ეს მაჩვენებელი აგვისტოში 5.7%-ია.
წლიური ინფლაციის ფორმირებაზე გავლენა იქონია ფასების ცვლილებამ სურსათის და უალკოჰოლო სასმელების ჯგუფში. ამ ჯგუფში გასული წლის აგვისტოსთან შედარებით ფასები 9.2%-ით გაიზარდა.
ფასები მომატებულია შემდეგ ქვეჯგუფებზე:
1. ხილი და ყურძენი - 18.0%
2. ყავა, ჩაი და კაკაო - 14.9%
3. თევზეული - 13.5%
4. ზეთი და ცხიმი - 11.9%
5. რძე, ყველი და კვერცხი - 11.7%
6. მინერალური და წყაროს წყალი, უალკოჰოლო სასმელები და ნატურალური წვენები - 9.0%
7. პური და პურპროდუქტები - 9.0%
8. ხორცი და ხორცის პროდუქტები - 8.8%
9. შაქარი, ჯემი და სხვა ტკბილეული - 4.5%
სურსათის და უალკოჰოლო სასმელების ჯგუფში ფასების მატება წლიურ ინფლაციაზე 2.88 პროცენტული პუნქტით აისახა.
